“Казка – у жыцці падказка” – абагульняльны ўрок па казцы Уладзіміра Караткевіча “Нямоглы бацька” ў пятым класе.

На вучэбным занятку адбыўся прагляд мультыплікацыйнага фільма “Дзед”, дзякуючы якому пяцікласнікі мелі магчымасць параўнаць літаратурную казку з народнай, высветліць адрозненне і падабенства. Радкі з казкі У.Караткевіча “Насіце на руках бацькоў…” сталі ідэяй урока і спрыялі стварэнню ўмоў для выхавання паважлівых адносін да бацькоў і людзей сталага ўзросту. А вынікам занятка стала падпісаная вучнямі клятва, аснову якой склалі радкі з казкі У. Караткевіча: “Мы будзем шанаваць дабрыню, хай сабе і слабую, шанаваць мудрасць, хай сабе і нямоглую, насіць на руках бацькоў…”

Настаўнік беларускай мовы і літаратуры Н.В.Осіпава